Bijbelrooster voor 26 juni 2024
Handelingen van apostels 8:14-25:
|
14 Dou apostels in Jeruzalem vernammen dat Samaria God zien woord aannomen haar, stuurden ze Petrus en Johannes noar heur tou.
15 Dij gingen der hèn en beedden veur heur dat ze hillege Gaist kriegen zollen.
16 Dij was nog op gainain van heur deelkommen, ze wazzen bloots deupt in de Heer Jezus zien noam.
17 Dou legden ze heur handen op en zai kregen de hillege Gaist.
18 Dou Simon zag dat Gaist mensken geven wer deurdat apostels heur handen oplegden, bood hai heur geld
19 en zee: "Geef mie dij macht ook, dat elk dij ik handen opleg hillege Gaist krigt."
20 Mor Petrus gaf hom as beschaaid: "Noar de hel, ie mit joen geld! Ie mainen ja dat ie God zien goave mit geld kopen kinnen.
21 Hoog of leeg, der is veur joe gain plak in t beheer van dizze schatten, omreden joen holden tegen God over is nait geef.
22 Breek mit joen slechteghaid. Beed de Heer en vroag vergeven veur wat of ie in t zin haren.
23 Ik zai ja dat ie haildaal vergiftegd binnen en betoesterd zitten in ondeugd."
24 Simon zee: "Beed ie toch de Heer veur mie dat mie niks overkommen mag van wat of ie zegd hebben."
25 Dou zai zo van de Heer getuugd en zien bosschop brocht haren, gingen ze weerom noar Jeruzalem. En in nog hail wat Samaritoanse dörpen verkundegden ze bliede bosschop.
|
Ga naar het volledige bijbelrooster
(Op basis van rooster: www.bijbelgenootschap.nl)
Terug
